Te Tohu Paetahi Ako Kura Kaupapa Maori o Aotearoa

Te Wananga Takiura o Nga Kura Kaupapa Maori o Aotearoa Incorporated

Subject area

Teacher Education: Primary (Pre-Service)

Qualification

Check out Fees Free to see whether you are eligible for a year of fees-free study or two years industry training. Contact your provider to confirm your study options meet the criteria.

Entry requirements

1 Karekau he aukatinga i te pia, ā taumata matauranga, ā tohu mātauranga ranei, mehemea ka hihiri te pia ki te tuku tono ki te uru mai. Na te iwi Māori huri noa i kokiri ake tēnei hotāka, ki te whakangungu i te tangata hai kaiako i roto i ngā Kura Kaupapa Māori Engari me mārama me matatau te pia ki ngā matataunga katoa o te reo Māori; te whakarongo, te kōrero, te reo kāuta/ōpaki rānei, te reo ōkawa, te reo ōkarakia, te reo ōao, te pānui me te tuhi. Karekau he mōhiotanga i tua atu

1.2 Me whakaatuhia mai e te kaitono, ngā taunakitanga mo tōna kaingakau ki te reo Māori me te koropūpū mai o tōna wairua whakaongaonga ki te whakaako i roto i ngā kura kaupapa Māori me ērā atu momo kura e whakaako marautanga ana ma te reo Māori
1.3 Me whakaatuhia mai e te kaitono, āna wheako, āna taunakitanga o tōna mōhio, o tōna matatau ki te reo Māori ma te: 1. whakamārama mai i ōna ōranga, i āna wheako mahi i roto i te reo

2. whakaatu mai i ngā taumata o te reo kua oti i roto i āna whakamātautau tahua tāpiri; i te NCEA tau 11, tau 12, tau 13; i te taumata 4 rānei o te pou tarāwaho o te Mana Tohu Mātauranga o Aotearoa mena kai raro iho i te 21 tau tōna pakeke

3. whakaoti pai i te hōtaka ā te Rūmaki Reo o Te Wānanga Takiura me te whakawhiwhi atu ki tana Tohu Pōkairua mo te kounga o tōna reo Māori

4. aromatawai ā te Kaitiaki Huhua i roto i ngā uiui, kanohi ki te kanohi

4.1 Me eke atu ngā whanonga o ngā kaitono ki ngā paearu a Te Pouherenga Kaiako o Aotearoa e hāngai ana ki te arotau o te tangata hai kaiako

4.2 Me whakaaehia, me whāia e te pia, ngā tūkanga a ia pepa, akoranga hoki, mo te whakaurunga, mo te whakawateātanga,mo te whakawhitinga rānei

4.3 Kia oti ranō te utu i te katoa o ngā tāke, kātahi ka mana te urunga mai o te pia ki Te Wānanga Takiura.

About the course

What can I expect out of this qualification?

He Tohu Paetahi Ako tā Te Wānanga Takiura ki te whakangungu, whakapakari, whakaako tauira, i roto i ngā marautanga katoa o Aotearoa kia tu hai kaiwhakaako mo roto i ngā Kura Kaupapa Māori, i ngā Kura Rumaki Māori, i ngā Kura Reo Rua, i ngā Kura Auraki, me ngā Kura Tuarua hoki, i roto i ngā tau e toru. * Ka kounga hoki te mātauranga, te mōhiotanga, me te māramatanga, o ngā tauira ki te katoa o a rātau mārautanga Māori. * Ka mōhio, ka mārama ki ngā reo me ngā mita o ngā iwi o ngā tauira e kōrero ana i roto i Te Wānanga Takiura. * Ka whakangungu i te tauira hai kaiārahi mo tōna iwi ma te: - mōhio ki te reo Māori me ōna momo mita - mōhio ki ngā tikanga Māori pēnei i te kawa, i te whaikōrero, i te mihimihi, i te whakatau tangata, i te karakia - whakapono ki te Mana Atua, Mana Tangata, Mana Whenua, Mana Reo, Mana Ao Tūroa - whakapono ki te mātauranga o te āō whānui, - mōhio ki ngā reo; oro, pūoro, mōteatea, apakura, waiata, haka, whakatangitangi - mōhio ki ngā mahi ā rehia mo te mau rākau, whakarākau, ti rākau, tītī tōrea, mahi whai, mahi whakarākau - mōhio ki te manaaki, tiaki i te tangata, i te manuhiri hoki - mōhio ki te mahi i runga i ngā marae, hai ringawera, kaiwaiata, kaimahi, kaitunu kai - mōhio ki ngā mahi ā te marae * Kua rūmakina te tauira i roto i te reo Māori mo ngā tau e toru, ahakoa he kōrerorero, he kauhau, he whakaako tamariki, he whakamātautau, he tū ki te whaikōrero, he karanga, he whakoti taumahi; he whakapuaki, he whakatutu waewae, he tuhinga roa, ngā mahi. * Tōna māramatanga ki ngā mātauranga o te ao whānui me ngā marautanga e whitu o Aotearoa. * I te mutunga ka tīmata te pia ki te hīkoi i ōna huarahi i runga i tōna mohio ki tōna reo me ōna huringa katoa, me te whakapono pūmau tonu ki te tino rangatiratanga o tōna Māoritanga.